Hoxe tivemos a reunión sobre a novela sen ficción "Virtudes (e misterios)". Xesús Fraga conta a historia da súa familia, dende os seus avós ata o tempo actual.
Este libro lévanos á nosa infancia, á nosa propia familia, pero ademais de lembrarnos as nosas vivencias e facer que nos sintamos identificados, tanto se a nosa orixe é cercana á do autor, como se é máis allea, de Andalucía por exemplo, reflicte ben a Galicia desa época pero tamén vale, en certos aspectos para toda España.
Por outro lado, ademais de evocar a historia da nosa familia aprendemos como eran as relacións nos anos 50, como podía ser emigrar a América ou a Londres.
O avó emigra a Venezuela con gran ambición e desaparece porque non consegue o que vai buscando.
A avoa vese obrigada a emigrar a Londres e, con perspectivas máis humildes, mantén á familia que queda en Betanzos e, aínda que sempre gardando todo para as que quedaron, fai vida en Londres.
A nai e o pai tamén acaban emigrando a Londres, o pai adáptase a todo e para a nai é a oportunidade de conseguir os recursos para ser mestra, aínda que non consegue estudar maxisterio, si que, gracias ao su esforzo por aprender Inglés pode ensinar aínda que sexa na casa.
A terceira xeración, o autor, nace en Londres e aínda que os seus pais volven con el cando só tiña 5 anos, pola insistencia da súa nai e as visitas á súa avoa, quedará marcado por esa cidade.
Outra cousa que nos pareceu moi interesante é como os caracteres das persoas, non só as vidas que lles tocan vivir, determinan que sexan máis ou menos desgraciados.
Unha lectora resume a súa experiencia co libro: para ela relata moi ben as loitas e sacrificios dos que teñen que abandonar todo para mellorar a súa vida e a vida dos seus, e presenta á avoa Virtudes como un modelo de forza de vontade e determinación.
Poño aquí un enlace dunha entrevista a Xesús Fraga sobre o seu libro.
https://librujula.publico.es/xesus-fraga-no-se-puede-renunciar-al-pasado-hay-que-mirarlo-para-entenderlo/
Vídeo dunha das presentacións:https://youtu.be/JlNfAo56nU8
