DENÉBOLA A ROXA

Héctor Cajaraville

                                                                                          

Hoxe tivemos a reunión do grupo de 1º do noso club de lectura. O libro que tratamos foi Denébola a Roxa, do escritor Héctor Cajaraville  e ilustrado por Ana Pereira.

É unha novela histórica que comeza xusto no 1600, o último ano do século XVI, cando Denébola fai 15 anos, descobre que o seu pai ten plans para ela que anulan todas as súas ilusións. Nesta novela aprendemos Historia: como era a vida das mulleres nesta época, como se ía desenvolvendo a vida nas Indias despois dun século de ser atopadas por Cristóbal Colón, a razón de ser da piratería nos mares... Pero tamén sacamos leccións para o noso presente: como Denébola, grazas á súa curiosidade  que a levou a estudar e ter recursos para saír de complicadas situacións, pode impoñer a súa vontade e chegar a ser a muller adulta que ela quería ser, aínda que tamén observamos que ten que aceptar renuncias e algún sufrimento.

Aquí vos enlazo un breve vídeo da TVG  https://www.crtvg.es/tvg/a-carta/denebola-a-roxa-de-hector-cajaraville-1

Aquí unha entrevista ao autor: https://commons.wikimedia.org/wiki/File:H%C3%A9ctor_Cajaraville_Feira_do_libro_A_Coru%C3%B1a_2017.webm