MARCHA POLA PAZ IES FERROL VELLO

 Este ano entre as celebracións de Nadal no noso IES fixemos o día 20 unha marcha pola paz, fixemos pancartas e fomos ata A Malata.

BOAS FESTAS E BOAS LECTURAS

 A Bibloteca do IES Ferrol Vello desexa a toda a comunidade educativa

 Boas Festas e Feliz 2025

DESCARGAR O ARQUIVO 

LECCIONES DE QUÍMICA

 

Xa tivemos a reunión para falar da 3ª novela do curso: Leccións de Química.

É unha novela da que gozamos en xeral. Quizais as opinións máis negativas viñan das persoas que si sabían de Química por atopar forzado o uso da química.

Aínda que eu poda estar de acordo, é unha maneira chocante e fresca de presentar situacións moi difíciles e dramáticas dentro do ambiente da investigación científica.

Si que estivemos de acordo en que é un libro fácil de ler ao tempo que ten moitas capas. 

É unha novela ambientada nas décadas dos anos 50 e 60 do século pasado que  fala do amor de parella nuns termos de igualdade que non é doado atop, fala de homes e incluso mulleres que non aman ás mulleres, das dificultades das famiiias monoparentais de ámbolos dous xéneros, do amor polos fillos, do maltrato ás mulleres, abusos, violacións, amizade, incluso de relixión frente a ciencia.

É unha lectura que se queres podes aproveitar para reflexionar en moitos ámbitos, que incide na importancia da autoestima en non deixar que te digan se es ou non es quen de acadar os teus soños para que non teñas que renunciar a, polo menos, intentalo.

A autora Bonnie Garmus estudou Literatura Inglesa na Universidade de California en Santa Cruz e tras graduarse foi editora para un medio científico.

Para a escritura da obra serviulle a súa experiencia e tamén a súa conexión con algúns científicos, quen corroborou a veracidade dos datos sobre ciencia aos que fai alusión entre as páxinas da obra.

Ao longo da súa traxectoria Garmus traballou amplamente en campos como a tecnoloxía, a medicina e a educación.

Naceu en California en 1957. Reside en Londres xunto ao seu marido.

É redactora de textos de publicidade e marketing, directora creativa e escritora estadounidense. 

 

Aquí tedes un enlace ao trailer da serie para ver se estades de acordo coa elección dos personaxes.

Trailer Lecciones de Química

TEATRO NO PAZO DA CULTURA DE NARÓN

 Este curso asistimos á mostra de Teatro para escolares de Narón.

O 29 de outubro asistiu o alumnado de 3º e 4º de ESO á obra Desexo de Talía Teatro, isto saqueino da súa páxina web

Como foi a nosa educación sexual?
Estamos preparados para ter unha sexualidade sa?
Sabemos como afrontar as nosas relacións?
Somos capaces de educar ás próximas xeracións?
Onde aprendemos o que sabemos sobre sexo?
Na pornografía? Nas redes sociais?
E que consecuencias ten formarse así?
Intentemos fixarnos nas publicacións, na música,
na publicidade...
Vivimos na sociedade do desexo, a máis sexualizada da historia, pero na que todas estas cuestións seguen a seren tabú.
deseXo é un xoguete cómico que aborda todo isto,
porque xa vai sendo hora de falar claramente sobre sexo.

 O 12 de novembro o alumnado de 2º e 1º de ESO asistiu a O mundo está roto pero pódese camiñar

 O 12 de novembro o alumnado de 2º e 1º de ESO asistiu a O mundo está roto pero pódese camiñar de Contraproducións. Unha obra que nos fai ver a posibilidade sanadora da lectura

Unha nena perde prematuramente á súa nai e, desde entón, está enfadada co mundo. O pai non sabe como romper o muro de incomunicación no que se encerra a filla e discorre un curioso sistema: escribirlle mensaxes en avións de papel que lle lanza cada día desde o balcón e onde lle encomenda pequenas tarefas diarias como, por exemplo, ir devolver un libro á biblioteca.

Unha bibliotecaria amena e decidida axuda á nena para descubrir o vínculo entre os libros e a vida, logrando establecer coa pequena unha relación divertida, construtiva e inspiradora. Moitos anos despois, a nena, agora escritora, volverá á biblioteca para contarnos aquela experiencia iniciática e sanadora.

SAMAÍN EN INGLÉS

O alumnado de Inglés fixo carteis para colaborar coa decoración dos corredores do instituto

  

  

SAMAÍN E DEFUNTOS Carteis

 Como sempre a celebración de Samaín noso instituto é unha das máis importantes do ano.

Tivemos festa de disfraces e magosto.

Aquí tedes os carteis que fixo o departamento de Galego: