Ya tivemos a reunión para falar da novela O famoso catálogo Walker & Dawn. Pasámolo moi ben léndoo e falando del, é un libro longo pero merece a pena lelo porque son máis páxinas de aventuras e emocións.
"Partiramos catro. Te Trois o valoroso, que quería dominar a vida. Eddie o xamán, que quería descubrir os seus segredos. Tit, que era pequeno, pero grande cando facía falta. E Julie a invulnerable, que quería ser feliz."
Te Trois, Eddie, Tit e Julie non poderían ser máis diferentes nin mellores amigos. Teñen en común un catálogo de venda por correspondencia, tres dólares para gastar e o desexo de descubrir o mundo. E cando no canto do revólver que encargan chega un vello reloxo que non funciona, non o pensan dúas veces e parten cara a Chicago para cambialo. Na súa viaxe nun barco de vapor polo Mississippi e nun tren de mercancías atoparán caloteiros profesionais, policías corruptos, xente boa que resultar non ser tal, por non falar dun crime sen resolver e de moitos, moitos cartos!
O autor é o italiano Davide Morosinotto: Naceu en 1980, preto de Padua (Italia). Sempre quixo ser escritor e, de neno, durante as horas de clase, imaxinaba incribles aventuras e mundos fantásticos. Morosinotto vive en Boloña desde hai moitos anos. Publicou numerosos libros xuvenís e, ademais, é periodista e tradutor de videoxogos. Sente debilidade polos lugares fríos e chuviosos. Encántalle pasear por cidades descoñecidas e un dos seus soños é dar a volta ao mundo coa súa moto.
Aquí tedes un enlace a unha interesante reseña escrita na revista Fantasymundo:
https://www.fantasymundo.com/el-sorprendente-catalogo-de-walkerdawn/
