DÍA DE ROSALÍA

 Para celebrar o día de Rosalía fixemos carteis con poemas de Rosalía que distribuimos polo centro.

ENTROIDO NO IES FERROL VELLO

 O pasado venres celebramos o entroido no noso instituto coa colaboración de toda a comunidade educativa. É unha das mellores festas no noso centro. 

Tiñamos previsto facer as actuacións na pista e como veredes nos vídeos intentámolo a pesar da chuvia pero acabamos refuxiándonos no corredor 

Aquí tedes vídeos e fotos do ben que o pasamos

DÍA DA PAZ

 

 Este curso celebramos o día da Paz co alumnado de centros adscritos que nos visitou por estas datas.

Decoraron e escribiron nas palomas da paz que colgaron da nosa árbore.

AS MALAS MULLERES

Xa tivemos a reunión para falar da novela de Marilar Aleixandre, parece que foi unha boa elección, hubo unanimidade en que gozaramos da lectura, aprendemos sobre Concepción Arenal e de Juana de Vega da que a maioría sabiamos moi pouco e da historia de España e da Coruña nesa época. En canto ao final houbo algún desacordo, sobre se fora feliz ou non. Aquí o deixo e animo a lelo e deixar opinións. 

Concluímos que os premios foron ben merecidos.

PREMIO BLANCO AMOR 2020

PREMIO NACIONAL DE NARRATIVA 2022

Reseña da editorial Galaxia

A través das páxinas de As malas mulleres, asistimos a unha dura 

e apaixonante viaxe polo tramo final do século XIX, nunha historia 

a varias voces, a de Sisca, de 15 anos, presa por non seren as 

mulleres donas do seu corpo; as de mulleres como Concepción

Arenal, visitadora de prisións; e Juana de Vega, cruciais para

entendermos a nosa historia e as do “mudo coro das malas 

mulleres”, que entoa prantos sobre encontros cos predadores

sexuais.

A novela está escrita contra a desmemoria, para recuperar a 

memoria das excluídas, reclusas no cárcere da Galera, da Coruña,

en 1863. Unha atención ás excluídas onde Arenal e Juana de Vega, 

traballando a prol da dignificación das persoas, foron pioneiras. 

Asemade é un canto ao papel dos libros e a lectura en mellorar 

a vida das persoas, en dar esperanza ás desesperadas.

Como é habitual na obra de Marilar Aleixandre, a novela vai e

nmarcada nun ton poético e, sobre todo, nunha trama ben 

armada e chea de rexistros literariamente moi potentes.

Unha breve biografía da autora:

María Pilar Jiménez Aleixandre (Madrid, 1 de maio de 1947) De avoas
e avós andaluces, valencianos e madrileños, naceu en Madrid en 1947. 
Di sentir saudade dos sitios nos que viviu por mor dos destinos laborais 
do pai: Ceuta, Doña Mencía(Córdoba) e Madrid.  Estudou a carreira de 
Bioloxía na Universidade Complutense. Alí comezou a traballar no 
departamento de Entomoloxía, pero os atrancos cos que tropezou por
ser muller animárona a opositar ao ensino secundario, e así chegou 
a Galicia, en setembro de 1973, como catedrática no Instituto do Calvario, 
en Vigo. Implicouse na resistencia clandestina contra a ditadura:
presidiu a asociación de veciños do Calvario, participou na primeira 
asociación feminista galega e despois na Asociación Galega da 
Muller (AGM)  Axiña adoptou o galego como a súa lingua literaria e 
se converteu nunha das escritoras galegas actuais con obra máis 
consolidada e recoñecida. É profesora da Universidade de Santiago 
de Compostela onde ensina Didáctica das Ciencias Experimentais 
e Educación Ambiental, dende 1988.

Enace a entrevista escrita de Europapress

Enlace a entrevista en Youtube

Vídeo de entrevista á autora sobre As malas mulleres