O CORAZÓN DE XÚPITER

 

 

 

 

® Síntese: https://lediciacostas.com/libro/o-corazon-de-xupiter/

Conta a historia de Isla, unha adolescente apaixonada pola astronomía que se muda de cidade. No novo IES dá cun compañeiro, Carballo, que lle fai a vida imposíbel. Isla séntese soa e pensa que ninguén a comprende. A través dun foro, coñece a "Xúpiter", un rapaz enigmático co que establece unha intensa relación virtual. Pouco a pouco, vai facendo tamén outras novas amistades como Mar e Anxo. Xa acabado o curso, na noite de San Xoán, Isla coñece por fin a Xúpiter mais non todo é o que parece.

® Algunhas impresións dos nosos/as lectores/as:

A historia de Isla, a súa soidade ao cambiar de cidade e a morriña pola súa vida anterior, conectou con moitos/s lectores/as, así como o refuxio nas redes sociais. Tamén as personaxes: o desprezo por Carballo; as afinidades con Anxo e Mar. Con todo, o máis impactante, para moitos / moitas lectores / as foi o final. Xurdiron varias reflexións: houbo quen o valorou positivamente tamén porque en moitos dos libros destinados ao público adolescente adoitan ter un final xusto e positivo; e a maioría debateron sobre as apariencias, a confianza e o perigo das redes sociais. 

LA GOTA DE SANGRE

 Da edición da Editorial Siruela

Emilia Pardo Bazán adiantouse a todas as grandes damas do noir e foi pioneira no noso país no cultivo da literatura detectivesca: antes da publicación da gota de sangue en 1911, non había en España referente algún dun xénero que xa triunfaba noutras latitudes.

Como certeramente sinala Alicia Giménez Bartlett no prólogo a esta edición: «Sen dúbida o trazo principal deste texto é a orixinalidade. Atopámonos fronte a unha dona Emilia que subverte todos e cada un dos estereotipos do xénero.  O detective ocasional é ao tempo un sospeitoso para os axentes da lei: policías e xuíces. Pero non só iso: suplanta á policía, dálles ordes, escamotéalles información e é el quen impón o ritmo e as pausas das pescudas. Finalmente, sen despeitearse demasiado, toma as rendas da investigación, participa nela activamente e, ás agachadas dos axentes da orde, resolve o crime. Xustamente na resolución do crime é cando a autora executa a pirueta máis rechamante. Resolución do caso implica detención do culpable? Non penso destriparles o desenlace. Só lles direi que, tal e como é prescritivo, todo cortello e, ao seu modo, a xustiza resplandece».

Reseña do Instituto Cervantes: Publicada en 1911, "A gota de sangue" é unha clara manifestación do permanente interese de Emilia Pardo Bazán polas novas tendencias literarias de cada momento, dentro e fóra das nosas fronteiras. Esta incursión na novela policiaca, á que dedicou interesantes comentarios nas súas colaboracións xornalísticas, supón por parte de dona Emilia un novo experimento na súa creación literaria e unha novidade en España, onde o seu escaso cultivo contrastaba co éxito do xénero no estranxeiro

EUROPA EXPRESS

 

 

 

 

® Síntese: https://andreamaceiras.es/gl/portfolio/europa-express-gl/

Aroa, Xacobe, Nico, Beatriz, Óscar, Piero e Mía deciden viaxar xuntos por Europa en Interrail ao rematar o Bacharelato. Descubrirán a vida en liberdade e a complexidade das relacións persoais, marcadas polo carácter de Xacobe.

Dez anos despois da viaxe, Nico atopará en Berguen, unha postal que lle revelará certa información que provoca nel un cuestionamento da súa vida actual e a necesidade de resolver as dúbidas sobre a traxedia que os envolveu no seu regreso da viaxe en tren. Malia as reticencias de Aroa a revolver no pasado, Nico logra contactar cos/coas compañeiros/as de viaxe e organiza unha festa de reencontro a partir da cal irán aflorando todos os matices que permitirán aclarar as causas daquel fatídico acontecemento.

® Algunhas impresións dos nosos/as lectores/as:

Esta foi unha das lecturas que máis éxito tivo entre o alumnado e os grupos que a elixiron, especialmente polas viaxes e as relacións entre os/as amigos/as que participan. Tamén se valorou que o libro enganchase desde o primeiro momento.

 

LA MADRE DE FRANKENSTEIN

 

Enlace a entrevista a Almudena Grandes sobre La madre de Frankenstein en RNE:

Entrevista Almudena Grandes

Para los que prefieren leer: Enlace a entrevista en El Confidencial.

Entrevista Almudena Grandes en El confidencial

Este curso lemos outro dos "Episodios de una guerra interminable": La madre de Frankesnstein de Almudena Grandes. Unha novela especial para nós porque un dos personaxes é unha muller ferrolá tristemente célebre: Aurora Rodríguez Carballeira, a nai e asesina de Hildegar Rodríguez Carballeira. Non é a protagonista e é presentada con moita humanidade por parte de Almudena Grandes.

Penso que é un dos libros lidos neste curso do que máis gozamos e que nos deu moita conversación e que aportou moitos temas sobre os que discutir e reflexionar. 

Ademais de tratar da guerra civil e da dictadura españolas dende unha perspectiva histórica pero tratando as emocións, na miña opinión, con maestría como en todos os seus episodios, Almudena Grandes presenta novos temas.

Aprendemos como era o trato coas enfermidades mentais nos anos 50  do século pasado, das diferencias dos manicomios masculinos e femininos, e entre as alas das mulleres pobres e das mulleres ricas.

É un libro que ademais de contarnos de enfermas mentais con dolencias concretas, de como foi o comezo do uso de medicinas para tratar a esquizofrenia, dos atrancos que se producen nun país que non aprecia a ciencia, fala de como pode afectar á saúde mental unha traxedia, dos distintos xeitos de afrontar o dó...

Pasámolo moi ben léndoo, aprendemos historia de España, historia da psiquiatría. Sorprendeunos a maestría de Almudena Grandes para falar de sentimientos, e a pesar de presentar unha época tan escura, con tanta tristeza mostra que sempre queda lugar para seres que aportan luz y que disfrutan do bo que ofrece a vida incluso nos peores momentos dun país.